Publikuar me : 29.12.2011 Ne :
Rajoni - 52 Lexime. Origjina : Gazeta Shekulli
Edhe pse ushtria kishte bërë të ditur se zona ku u ndërmor sulmi ajror nuk ishte e banuar nga civilët, partia e kryeministri Taip Erdogan ka pranuar se 35 viktimat ishin civilë.
Zëdhënësi i Partisë për Drejtësi dhe Zhvillim ka pranuar se 35 kurdët e vrarë nga sulmi ajror nuk ishin rebelë. Huseyin Celik ka bërë të ditur se ka nisur një hetim për të parë nëse ka një dështim të inteligjencës në këtë rast.
Në emër të partisë në pushtet ai ka shprehur keqardhje për humbjen e jetëve dhe ka shtuar se qeveria mund t’i kompensojë ato.
Si pasojë e sulmit ajror rreth 2 000 kurdë kanë protestuar në Stamboll, ku policia është detyruar të përdorë gaz lotsjellës dhe ujë për shpërndarjen e tyre.
Ertugrul Kurkcu, deputet i partisë pro-kurde është shprehur se sulmi ishte ç’njerëzor dhe i papranueshëm.
Sulmi ajror i bë mbi një fshat Kurdësh, afër kufirit me Irakun. Zyrtarët kanë bërë të ditur se ky sulm është ndërmarrë për të goditur rebelët kurd pasi ishin marrë informacione se një grup po planifikonte që të sulmonte një bazë të sigurisë në Turqi.
Deputeti i gjakosur
Një deputet ukrainas është lënë i gjakosur shtrirë për tokë pas një sherri masiv në parlament. Dhuna nisi pasi një ligj i miratuar lejon përdorimin e gjuhës ruse në gjykatë, spital dhe institucionet e tjera në zonat ku ka banorë rusisht folës.
I plagosuri, deputeti opozitar, Mykola Petruk, u dërgua në spital pasi mori të cacra në kokë. Parlamenti i Ukrainës është kthyer shpesh në arenë boksi. Në prill të vitit 2010 pas një sherri gjashtë...
