Ministria e Arsimit konfirmon se nuk do te kete formular A3 dhe A4. Gjithcka do te mbyllet me formularin A2

Gjimnazistet, shpresa e fundit, zhvendosja e listes rendore pas perfundimit te regjistrimit te fituesve

Me 7 shtator perfundon ankthi i pritjes per rreth 40 mije kandidatet per universitete publike. Sipas Ministrise se Arsimit, ne kete dite te gjithe ata qe kane aplikuar ne nje universitet publik, do te mesojne nese kane fituar apo jo, ne nje nga programet e preferuara te tyre, te cilat i kane perzgjedhur ne formularin A2. Kete te premte, MASH mbyll zyrtarisht procesin e aplikimit per ne universitete ose, e thene ndryshe, pranimet e formularit A2.

Fill pas kesaj dite, APRIAL do te nise punen per perllogaritjen e pikeve te te gjithe maturanteve. Sipas burimeve zyrtare te MASH, procesi i perzgjedhjes se fituesve ne universitetet publike, per kete vit do te mbyllet me formularin A2. Per here te pare kete vit nuk do te kete formulare A3 dhe A4.

Keshtu, MASH per kete vit ka ndryshuar procesin e perzgjedhjes se fituesve, duke lene menjane formularet shtojce. Pas publikimit te rezultateve me date shtate shtator, te gjithe fituesve do tu lihet nje hapesire kohore per tu regjistruar ne deget qe ata kane rezultuar fitues.

Pervoja e viteve te meparshme ka treguar se nje kandidat mund te rezultoje fitues ne dy apo me shume dege, nga ato qe ka preferuar ne formularin A2, por, sipas rregullave te vendosura nga Ministria e Arsimit, nje kandidat ka te drejte te regjistrohet vetem ne nje program studimi. Kjo do te thote qe per dege te caktuara, pas perfundimit te procesit te regjistrimit, do te kete te kuota te lira.

Ne vitet e meparshme, pasi universitetet publikonin vende te lira, MASH hartonte formularin A3, nepermjet te cilit kandidatet qe nuk kishin fituar gjate fazes se pare, kishin mundesine te perzgjidhnin mes degeve qe ofroheshin.

Pas perfundimit te kesaj faze te dyte rezultonin serish kuota bosh, te cilat plotesoheshin ne nje faze te trete, nepermjet nje tjeter formulari preferencash, formularit A4. MASH deklaron se kete vit formula e pranimeve do te jete ndryshe.

Keshtu, pas perfundimit te regjistrimit te fituesve te fazes se pare, universitet do te publikojne serish kuotat e parealizuara.

Por, kesaj here, ata qe do te perfitojne do te jene studentet qe ndodhen poshte vijes se fituesve ne listen rendore. Nje shembull Fakulteti i Drejtesise per kete vit do te pranoje 400 studente ne vitin e pare. Pas perllogaritjes se pikeve, APRIAL do te publikoje listen rendore te te gjithe aplikanteve qe kane kerkuar kete dege, por vetem 400 te paret do te rezultoje fitues.

Ata do te kene ne dispozicion nje afat kohor te caktuar per te kryer regjistrimet prane ketij fakulteti. Nese pas perfundimit te regjistrimeve ky fakultet do te raportoje kuota te lira, nga keto kuota do te perfitojne kandidate qe jane renditur pas numrit 400. Ne rast se ky fakultet do te publikoje 50 vende te lira, vija e fituesve do te zbrese deri tek numri 450.

Nepermjet kesaj formule te re, Ministra e Arsimit synon qe te perfundoje sa me heret procesin e pranimeve ne universitet, ne menyre qe te mos kete pranime dhe ripranime deri ne fund te semestrit te pare te vitit akademik, duke bere qe nje pjese e studenteve te humbisnin provimet e sezonit te shkurtit.

Sipas burimeve te MASH, kete vit te gjithe kandidatet qe do te rezultojne fitues gjate fazes se pare apo te dyte, do te ulen ne auditore me kater tetor. Pas kesaj date nuk do te kete me pranime ne universitet publike ne vend.