Gazeta Shekulli publikon piket minimale, me te cilat studentet u pranuan vjet ne programet e universiteteve

Maturantet mund te krahasojne piket e tyre per te pare mundesite qe kane per te fituar nje dege te caktuar

Per te pare mundesite qe kane per te fituar te drejten e studimit ne nje nga programet e studimit ne universitete publike, maturantet dhe kandidatet e tjere duhet te shohin edhe piket qe kane marre nje vit me pare koleget e tyre, gjate procesit te pranimit ne universitete. Formula e perllogaritjes eshte njesoj si nje vit me pare, keshtu qe ndryshimet mes pikeve do te jene thuajse minimale.

Pak dite para perfundimit te afatit per dorezimin e formularit A2, gazeta Shekulli po publikon piket minimale, me te cilat kandidatet per studente gjate vitit 2009 fituan te drejten e studimit, pike te cilat mund te sherbejne si peshim i mundesive reale qe ka kete vit cdo maturant qe deshiron te vazhdoje studimet e larta. Ne tabelat ku dallohen piket minimale per secilen dege ne universitete, maturantet, mund te shikojne piket minimale qe koleget e tyre kane marre vitin e kaluar.

Ne kete menyre, ata mund te perllogarisin se ku kane me shume mundesi per te fituar nje program studimi dhe ku me pak, ne menyre qe te mos humbasin te drejten e studimit, duke pretenduar nje dege studimi, per te cilen duhen shume here me shume pike se sa mund te kete realisht nje kandidat.

Por duhet pasur kujdes, pasi kete vit Ministria e Arsimit dhe Shkences ka deklaruar se nuk do te kete nje faze te dyte apo te trete te pranimeve ne universitete, keshtu qe gjithcka do te zgjidhet vetem gjate fazes se pare. Keshtu, nese ne nje program studimi do te kete kuota te parealizuara nuk do te kete formular A3, por te drejten e studimit do ta fitojne ata kandidate qe vijojne ne listen rendore.

Provimi i pranimit do te permbaje pyetje vetem per profilin e perzgjedhur. Mesatarja ze 30 perqind te totalit.

Senati ndryshon formulen e pranimit per specializimet ne mjekesi

Akademiket e Universitetit te Tiranes kane vendosur njezeri te ndryshojne proceduren e perzgjedhjes se specialiteteve ne fakultetin e Mjekesise. Sipas rregullores se re te miratuar nga Senati Akademik i Universitetit te Tiranes pranimi ne specialitetet e mjekesise do te kryhet nepermjet nje testi specifik per profilin e zgjedhur.

Keshtu, nese nje kandidat deshiron te specializohet ne kardiologji, ai nuk do te duhet ti nenshtrohet nje testi te pergjithshem, por do te testohet per njohurite konkrete qe ka ne kete fushe. Sipas rregullores se re do te jene departamentet perkatese qe do te hartojne testin qe kandidatet duhet te kalojne per te nisur specializimin ne nje profil te caktuar.

Por marrja e pikeve maksimale nuk do te jete kriteri i vetem per tu pranuar ne nje program specializimi. Sipas formules se re, rezultatet e arrira ne konkurs do te zene vetem 50 per qind te totalit, 30 per qind do te zere mesatarja e viteve te studimit ne fakultet dhe 20 per qind i takon prezantimit qe kandidati do te beje perpara komisionit te specialisteve te ngritur nga departamenti.

Kane qene vete shefat e departamenteve dhe anetaret e Keshillit te Fakultetit te Mjekesise, te cilet kane propozuar qe konkurrimi per specializimet afatgjata, per vitin 2010-2011 te zhvillohet ne baze departamenti dhe jo ne baze fakulteti, duke sjelle ne kete menyre nje decentralizim te procedures se pranimit te specializanteve.

Ata kane argumentuar se specializimet afatgjata kane qellimin e vazhdimit te studimeve ne nje fushe te caktuar te mjekesise, pra jane studime profesionalisht te orientuara dhe se organizimi i nje konkursi te pergjithshem e humbet nocionin e specializimit ne nje fushe te caktuar.

Shikoni dokumentin ne pdf