Publikuar me : 07.12.2011 Ne :
Politike - 76 Lexime. Origjina : Gazeta Shekulli
Lufta kundër korrupsionit ka qenë tema e një tryeze të organizuar nga prezenca e OSBE-së në vendin tonë, me pjesëmarrjen e kreut të Inspektoratit të Lartë të Deklarimit dhe Kontrollit të Pasurive, Adriatik Llalla dhe studentëve të Juridikut.
Duke folur para të pranishmëve, ambasadori i OSBE-së në Tiranë, Eugen Uollfarth, u shpreh se Shqipëria ka bërë progres në luftën kundër korrupsionit, por ka ende shumë punë për t’u bërë, pasi ky fenomen gjendet kudo, madje edhe në gjyqësor.
Ashtu siç është theksuar edhe herë të tjera, ambasadori Uollfarth sheh si pengesë kryesore në këtë luftë pikërisht imunitetin e zyrtarëve, i cili duhet të kufizohet.
Uollfarth e ka vënë theksin sidomos te korrupsioni në drejtësi, duke sugjeruar hartimin e një regjistri më bindës për vendimet e gjykatave, në mënyrë që gjithçka të jetë e dokumentuar dhe transparente.
Ambasadori i OSBE-së u ndal më tej në ngërçin politik të dy viteve të fundit dhe ka sugjeruar që me rikthimin në normalitet të jetës parlamentare, palët të vijojnë bashkëpunimin për reformën zgjedhore dhe zgjedhjen e Avokatit të Popullit.
”Bojkoti i kushtoi Shqipërisë 2 vjet, por situata tani është normale e Parlamenti po funksionon. Parlamenti duhet të votojë ligjet me 3/5 e të punojë për reformën zgjedhore. Është me rëndësi edhe zgjedhja e Avokatit të Popullit”, tha Uollfarth.
Kreu i grupit parlamentar të PD-së, Astrit Patozi dhe kryetari i grupit parlamentar socialist, Gramoz Ruçi
Kreu i grupit parlamentar të PD-së, dhe njëherësh pjesë e grupit të mandatuarve për negociata, Astrit Patozi, i ka dërguar një letër kryetarit të grupit parlamentar socialist, Gramoz Ruçit, ku i kërkon që të fillojnë negociatat që nesër për zgjedhjen e presidentit të ardhshëm.
“Me jemi të hapur, që duke filluar nga nesër paradite, të takohemi me...
