Transferimi i studimeve, perfitojne edhe studentet qe frekuentojne universitetet e huaja dhe ato private

TIRANE - Rektorati i Universitetit te Tiranes ka bere publike gjate dites se djeshme procedurat qe duhet te ndjekin studentet per transferimin e programe universitare nga nje fakultet ne tjetrin, se bashku me data gjate te cilave do te kryhen keto veprime.

Keshtu studentet e interesuar per transferimin e studimeve kane rreth 20 dite kohe per paraqitjen e kerkeses se tyre prane Rektoratit te Universitetit te Tiranes.

Aplikimet sipas njoftimit te ketij institucioni do te nisin me daten 27 gusht dhe do te vijojne deri me 18 shtator. Gjate kesaj kohe studente mund te dorezojne nje dosje personale e cila duhet te permbaje tete dokumente.

Dokumenti i pare eshte kerkesa per transferim, ne te cilen studenti duhet te arsyetoje edhe motivet e levizjes nga universiteti ku eshte regjistruar paraprakisht. Njekohesisht me kerkesen per transferim, ne dosje duhet te jete edhe permbajtja e planit dhe programit e studimit qe ka ndjekur me pare ky student. Programi duhet te jete i plote per te gjithe periudhen e studimeve, qofte kjo edhe mujore.

Dokumenti i trete eshte lista e lendeve, krediteve dhe notave te fituara prane institucionit arsimor te larte perkates, si edhe nje kopje e noterizuar e indeksit te notave, per ato universitete te cilet e kane nje te tille.

Krahas dokumenteve te mesiperm, studentet qe kerkojne transferim te studimeve, duhet te dorezojne ne Universitetin e Tiranes kopje te noterizuar te diplomes se shkolles se mesme, si dhe nje kopje te kartes se identitetit.

UT-ja kujton studentet e interesuar se, per ata qe vazhdojne studimet jashte dhe kerkojne te bejne transferimin e studimeve ne kete institucion, te gjitha dokumentet duhet te jene te certifikuara nga institucioni qe i ka leshuar.

Vec dokumenteve te nevojshme per transferimin e studimeve, studentet duhet te paguajne prane njeres prej bankave te percaktuara nga Universiteti i Tiranes, mandat arketimi prej 1 mije lekesh, i cili kalon ne llogari te vete institucionit.

Transferimi i studimeve ne Universitetin e Tiranes vlen edhe per studentet qe cilet aktualisht vazhdojne studimet ne universitetet private, por qe per arsye te ndryshme deshirojne te vazhdojne studimet me tej ne institucionet arsimore publike te larta.

Per te kryer transferimin e studimeve, keta studente duhet te dorezojne ne protokollin e Universitetit te Tiranes 7 dokumente, nderkohe qe ne ndryshim nga studentet qe vazhdojne studimet jashte vendit, nuk do ta kene te detyrueshem perkthimin e tyre.

Pergjigjja per miratimin ose jo te kerkeses per transferim do te jepet brenda nje afati te shkurter kohor, ku serish studentet e interesuar do te duhet te drejtohen prane zyres se protokollit ne Universitetin e Tiranes.