SHKODER - Velipoja vazhdon te jete e vetmja komune ku uji eshte akoma i pranishem qe prej permbytjeve te fillimvitit. Ne fshatrat Ças e Luarze ka akoma siperfaqe te konsiderueshme toke nen uje.

Megjithate, grupet e verifikimit te demeve vazhdojne punen, ndersa po punohet edhe per perforcimin e argjinatures se Çasit, e cila ishte e demtuar nga permbytjet. Sipas prefektit te Shkodres, Maxhid Cungu, punimet ne argjinature vazhdojne per riparimin e saj dhe mbylljen e vendeve ku ajo ishte duke sjelle dhe vershimin e ujit.

Ajo eshte ngritur 3,5 metra me nje fond emergjent prej 20 milione lekesh, ndersa lartesia e saj do te jete 6 m. Si pasoje e carjes se argjinatures se Çasit u permbyten disa fshatra te komunes Velipoje, ku me te demtuarit ishin Çasi dhe Luarzi.

Kryekomunari Nikolle Marku thekson se aktualisht uji eshte bllokuar dhe se brenda nje muaji ai mendohet se do te largohet plotesisht duke lene te lire nje siperfaqe te madhe toke, ndersa prej tri ditesh eshte vene ne funksionim dhe hidrovori i Çasit. Deri tani jane verifikuar 948 banesa, 839 subjekte bujqesore, 904 subjekte blegtorale dhe 52 biznese.

Sindikatat: "Jo" largimit te shofereve te autoambulancave

SHKODER - Bashkimi i Sindikatave te Pavarura per Prefekturen e Shkodres ka reaguar kunder vendimit te Ministrise se Shendetesise per largimin nga puna te shofereve te autoambulancave.

Sipas kryetarit te kesaj sindikate, Albert Tukaj, qeveria dhe ministri i Shendetesise, ne emer te se ashtuquajtures reforme, po demtojne sherbimin shendetesor ne nje zone mjaft te hapur gjeografikisht dhe me terren te thyer sic eshte qarku i Shkodres.

Vendimi per largimin e shofereve te autoambulancave eshte ne kundershtim me legjislacionin dhe keta punonjes kane te nenshkruar kontrata trevjecare me punedhenesit dhe ne keto kushte ata, duke iu drejtuar gjykates, do te fitojne te drejten e tyre, tha Tukaj.

Sipas tij, aktualisht ne nje zone me territor te hapur dhe popullsi jo te pakte, sic eshte Shkodra, jane ne eficence vetem 3 mjete autoambulance me 6 shofere, pasi 11 jane larguar pas urdhrit te ministrit Vasili. Nga te dhenat e marra ne sherbimin spitalor , sipas Tukajt, me autoambulancat levizin 5-6 here ne jave drejt Tiranes per te derguar te semure atje, ndersa dihet se nje prej ketyre mjeteve eshte ne dispozicion te te semureve me dialize.

Tukaj ka kerkuar pezullimin e ketij urdhri nga dikasteri i shendetesise dhe ka garantuar mbrojtje sindikaliste per te larguarit nga puna. Kunder shkurtimit te vendeve te shofereve te ketyre mjeteve jane shprehur dhe drejtuesit e spitalit rajonal te Shkodres.