TIRANE- Dua te falenderoj Edvin Kristaq Ramen per nderin qe me beri, me montimin e trukimin, ai deshmoi qe eshte i biri i te atit. Eshte aq i paskrupullt dhe imoral, sa mund te beje cdo falsifikim. Keshtu u shpreh sot kryeministri Sali Berisha lidhur me video-skandalin e publikuar dy dite me pare nga Fiks Fare, qe perfshinte ne shume afera zv.kryeministrin Ilir Meta.


Nje qendrim te tille e bejne vetem larvat e bunkereve te bllokut, te cilet jane te afte te sajojne cdo gje, te montojne gjithcka, pa asnje lloj skrupulli, sepse ne kete menyre mendojne se i afrohen pushtetit- tha Berisha


Kreu i qeverise tha se Dritan Prifti ia kishte treguar me pare atij videon. Madje publiku shqiptar sipas kryeministrit duhet ta falenderoje ate. Pasi po te mos doja une, videoja nuk mund te vinte tek ju, tha ai. Te gjitha materialet jane ne Prokurori, dhe pres te zbardhet gjithcka, tha S.Berisha.


Reagimi i Kryeministrit te vendit vjen dy dite pas publikimit te videos qe flet per korrupsionin qeveritar. Megjithate pergjigjja ka ardhur vetem pas pyetjes se gazetareve, pasi kreu i qeverise deri me sot thjesht e ka neglizhuar nje publikim te saj. Ne mbledhjen e djeshme qeveritare, ndersa pritej nje reagim nga Berisha per skandalin e shumeperfolur qe prekte drejtperdrejt edhe ate, kryeministri foli per mbjelljen e ullinjve dhe geshtenjave.