Publikuar me : 30.12.2011 Ne :
Politike - 49 Lexime. Origjina : Gazeta Shekulli
Kërkesat e partive të vogla për reformën zgjedhore janë legjitime. Kështu është shprehur dje ambasadori i OSBE-së në Tiranë, Eugen Volfart, në një prononcim për mediat. Sipas tij, është klasa politike shqiptare ajo që vendos nëse propozimet e partive të vogla do të merren parasysh apo jo, por i rëndësishëm mbetet fakti që sistemi zgjedhor të jetë i qëndrueshëm.
Në kuadrin e reformës zgjedhore, partitë e vogla kanë kërkuar që ajo të jetë gjithëpërfshirëse. Pak ditë më parë, partitë e vogla të majta kanë zyrtarizuar kërkesën e tyre për ndryshim të sistemit zgjedhor, përmes një letre drejtuar Kuvendit. PSD, PDS e PSV i kanë dërguar Komisionit të Reformës Zgjedhore propozimet e përbashkëta për përmirësimin e sistemit zgjedhor dhe të Kodit Elektoral.
Tre partitë e vogla të opozitës kanë propozuar ndryshimin e sistemit nga proporcional rajonal , në proporcional rajonal me korrigjim kombëtar. Ndërsa kryeministri Berisha, në një intervistë të fundit u shpreh i vendosur për të mos ndryshuar asgjë në sistemin zgjedhor aktual. Nga ana tjetër, partitë e vogla të majta dhe të djathta në një tryezë një muaj më parë u shprehën kundër listave të mbyllura pasi sipas tyre kjo dëmton parlamentarizmin.
Presidenti Bamir Topi
Zgjedhja me mirë e presidentit është vetëm nëse bëhet nga populli ka deklaruar presidenti Bamir Topi i ftuar në emisionin “Debat” në Vizion Plus, ku ka folur rreth zgjedhjes së kreut të ri të shtetit.
Presidenti Topi ka komentuar garën presidenciale, në nisje të negociatave dhe ka thënë se kandidatura mund të jetë nga PD, por duhet të votohet nga PS
“Presidenti mund të jetë nga PD, por nëse siguron më shumë se 71 vota, atëherë merr kuptimin...
