BALLSH - Nje 43-vjecare ka gjetur vdekjen si pasoje e shperthimit te nje granate te vendosur ne deren e shtepise. Viktima quhet Violeta Mehmeti, nene e dy femijeve.

Ngjarja ndodhi ne oret e para te mengjesit te se premtes, ndersa gruaja po dilte nga shtepia, nderkohe qe policia si piste kryesore ka ndonje konflikt te mundshem te bashkeshortit te viktimes ne kohen qe punonte ne Policine e Ballshit.

Sipas njoftimit zyrtar, ngjarjja ndodhi ne oren 5 25, ne lagjen Gllavenice, ne qender te qytetit. Gruaja po dilte nga shtepia per te hapur dyqanin (kioske) qe e kishte perballe baneses. Por ne momentin qe ka hapur deren eshte degjuar nje shperthim i fuqishem, i cili ka goditur duke shkaktuar vdekjen e saj.

Burri dhe dy femijet ne momentin e ngjarjes kane qene ne gjume. Ne deshmine e tyre para policise deklaruan se pas shperthimit jane ngritur menjehere ne kembe dhe kane pare Viloten ne korridorin e shtepise. Kane tentuar ta cojne ne spital, por sipas mjekeve ajo ka vdekur rruges. Vjehrri i viktimes, i cili ka folur per mediat, eshte shprehur se ata jane zhvendosur ne Ballsh prej vitesh nga fshati Napulec.

Nuk kemi bere asgje te keqe qe dikush te hakmerrej ne kete menyre, deklaroi Hekuran Mehmeti. Mesohet se cifti Mehmeti kishin nje djale dhe nje vajze. Nga ana e uniformave blu eshte deklaruar se viktima punonte gjate gjithe dites ne kiosken perpara shtepise, ndersa femijet shkonin ne shkolle.

Dyshimet jane hedhur mbi ndonje konflikt te kryefamiljarit ne kohen qe ka punuar ne policine e Ballshit, megjithate, sipas policise, nje gje e tille mbetet per tu verifikuar.